Uburayi bwafatiye ibihano bishya Irani

Abigaragambya bateye ambasade y'Ubwongereza muri Irani Uwufise ububasha kw’isanamu Getty Images
Image caption Abigaragambya bateye ambasade y'Ubwongereza muri Irani

Abaministri b'ububanyi n'amahanga bo mu muryango w'ubumwe bw'uburayi bafashe icyemezo cyo gufatira igihugu cya Irani ibihano bishya kubera gahunda y'icyo gihugu mu rwego rw'ingufu za nucleaire.

Bongeye amazina 180 y'abanya Irani ndetse n'amasosiyete yo muri icyo gihugu ku rutonde rw'ibihano byari bisanzweho.

Abo baministri kandi biyemeje gukomeza kwiga ibindi byemezo bishobora kwibasira urwego rw'ingufu rwa Irani.

Iyi nama y'i Buruseli mu Bubirigi ibaye hashize iminsi ibiri abigaragambya muri Irani bateye inzu y'ambasade y'igihugu cy'Ubwongereza mu murwa mukuru Teheran.

Ibi bikaba byaratumye Ubwongereza bufata icyemezo cyo kwirukana abahagarariye Irani mu Bwongereza.