Itabwa muri yombi ry'abahohotera abana

Umuntu urimo gukoresha internet Uwufise ububasha kw’isanamu bbc
Image caption Umuntu urimo gukoresha internet

Polisi ihuriweho n'ibihugu byo mu Burayi - Europol- yataye muri yombi abantu barenga 100 mu bihugu 22 mu Burayi bakwekwaho guhererekanya amashusho yerekana ihohoterwa bakoreye abana bishingiye ku gitsina.

Abo bantu batawe muri yombi bari mu bantu bagera kuri 270 bakekwaga.

Igipolisi cyo mu Burayi - Europol - cyatangaje ko cyavumbuye amashusho yerekana ibintu bibi cyane bishingiye ku gitsina byakorewe abana barimo impinja n'abana bato cyane bafashwe ku ngufu.

Hari hashize umwaka wose icyo gipolisi gitangije igikorwa cyo guhiga izo nkozi z'ibibi.

Kikaba cyaratumye polisi ivumbura imitwe itari izwi kandi ikamenya n'ukuntu internet ikoreshwa mu guhanahana amashusho y'abana ku buryo byorohera ababikora kwihisha.