ICC: Callixte Mbarushimana yafunguwe

Callixte Mbarushimana Uwufise ububasha kw’isanamu Reuters
Image caption Callixte Mbarushimana

Callixte Mbarushimana - wari ufungiye mu rukiko mpuzamahanga mpanabyaha ruri i La Haye mu Buholandi - yafunguwe nyuma yaho uru rukiko ruboneye ko nta bimenyetso bihari bihagije byatuma aburanishwa.

Iki cyemezo cyafashwe nyuma yaho abacamanza bo muri urwo rukiko banze kwemera ko aburanishwa ku byaha yaregwaga birimo ubwicanyi, gufata abagore ku ngufu no gushyira abantu ku ngoyi byakozwe n'umutwe wa FLDR muri Republika iharanira demokarasi ya Congo mu mwaka wa 2009.

Urukiko rwasanze ubushinjacyaha nta bimenyetso bihagije bwatanze byatuma aburanishwa kuri ibyo byaha.

Callixte Mbarushimana yari umunyamabanga nshingwa bikorwa w'umutwe wa FDLR.

Yafatiwe mu Bufaransa mu kwezi kwa 10 k'umwaka ushize bisabwe n'urukiko mpuzamahanga mpanabyaha.