Intumwa z'amahanga muri Syria

Imyigaragambyo y'abarwanya leta muri Syria Uwufise ububasha kw’isanamu Reuters
Image caption Imyigaragambyo y'abarwanya leta muri Syria

Igice cya mbere cy'intumwa z'umuryango uhuriweho n'ibihugu by'abarabu uyu munsi zageze muri Syria aho zijyanywe no kureba ukuntu ubwicanyi bukorerwa abarwanya leta bumaze igihe buvugwa muri icyo gihugu bwahagarara.

Umuryango w'abibumbye uvuga ko abantu barenga 5000 bamaze kwicwa kuva imyigaragambyo irwanya leta yatangira mu kwezi kwa gatatu k'uno mwaka.

Izi ntumwa z'umuryango uhuriweho n'ibihugu by'abarabu zigamije kureba niba leta ya Syria yubahiriza umugambi w'amahoro w'uwo muryango usaba ko ingabo za leta zisubira mu bigo byazo zikava mu mihanda kandi n'imfungwa zose zigafungurwa.

Hagati aho impirimbanyi zirwanya leta ziravuga ko abasirikare ba leta bateye umurenge uri hafi y'umujyi wa Idlib mu gihe ngo byibura abasivili 4 biciwe mu mujyi wa Homs rwagati.