Putin yanze ko amatora y'abadepite asubirwamo

Ministri w'intebe w'Uburusiya, Vladmir Putin Uwufise ububasha kw’isanamu Reuters
Image caption Ministri w'intebe w'Uburusiya, Vladmir Putin

Ministri w'intebe w'Uburusiya, Vladmir Putin, yimye amatwi abasaba ko amatora y'abadepite asubirwamo nubwo imyigaragambyo irwanya leta ikomeje umurego.

Vladmir Putin yavuze ko abatavuga rumwe na leta batabashije kwerekana icyo bamarira igihugu.

Imbaga y'abantu bamaze iminsi basaba ko amatora y'abadepite yabaye mu minsi yashize yasubirwamo.

Hakaba hari hashize imyaka hafi 20 ibi bitaba mu Burusiya.

Ministri w'intebe w'uburusiya yavuze ko inama nshingamategeko irimo gukora akazi kayo kandi ko nta mpamvu zihari zatuma amatora aba impfabusa.

Yongeyeho ko yifuza ko amatora y'umukuru w'igihugu ateganijwe mu mwaka utaha azaba mu mucyo kandi nta buriganya.

Vladmir Putin ni umwe mu baziyamamariza umwanya w'umukuru w'igihugu muri ayo matora.