Afghanistani : abasirikare b'abafaransa bishwe

Abasirikare b'abafaransa muri Afghanistani Uwufise ububasha kw’isanamu AP
Image caption Abasirikare b'abafaransa muri Afghanistani

Ubufaransa bwafashe icyemezo cyo guhagarika ibikorwa byo gutoza abasirikare bo muri Afghanistani ndetse n'ibikorwa ingabo z'ibihugu byombi zakoreraga hamwe nyuma yaho umusirikare wo muri Afghanistani wataye umurongo yiciye abasirikare b'abafaransa bane akanakomeretsa abandi 16.

Perezida w'Ubufaransa, Nicolas Sarkozy, yavuze ko agiye no kwiga ukuntu ingabo z'igihugu cye zava muri Afghanistani mbere y'igihe cyari cyarateganijwe.

Ministri w'ububanyi n'amahanga n'uw'ingabo b'Ubufaransa boherejwe i Kabul kubaza neza ukuntu byagenze.

Umunyamakuru wa BBC uri muri Afghanistani aravuga ko kurwanya intagondwa z'abayislamu bo mu mutwe w'Abatalibani bizagorana cyane abasirikare b'abafaransa baramutse batashye kuko bari mu bagize igice kinini cy'ingabo za OTAN ziri muri icyo gihugu.