Urukiko mpuzamahanga rwemeje gukurikirana abategetsi 4 ba Kenya

Kenya- icc
Image caption Kenya- icc

Urukiko mpuzamhanga mpanabyaha rukorera i La Haye, rwafashe icyemezo cyo gukurikirana abategetsi 4 bakomeye ba Kenya, bararegwa ibyaha byibasira inyoko muntu.

Muri abo bategetsi, harimo 2 baharanira umwanya w'umukuru w'igihugu mu matora ateganijwe muri icyo gihugu.

Bararegwa ko bari inyuma y'imvururu zavutse nyuma y'amatora yo muri 2007, izo mvururu zahitanye abantu barenga 1,000. abandi babarirwa mu bihumbi bakurwa mu byabo.

Mu bazakurikiranywa harimo Uhuru Kenyetta,icyegera cya minisitiri w'intebe na William Ruto wigeze kuba minisitiri w'amashuri.

William Ruto aravuga ko azakomeza guharanira umwanya w'umukuru w'igihugu mu matora ateganijwe mu mwaka utaha.

Mu bihe bishize, Uhuru Kenyatta nawe yavugaga ko ashaka kuzaharanira uwo mwanya wo kuyobora Kenya.

Abacamanza bavuze ko abaregwa bazagumana uburenganzira bwo kwisanzura nibadakoresha iterabwoba ku abatangabuhamya.