Ibisasu byiyongereye mu mujyi wa Homs

Umwotsi uracumba nyuma y'igisasu mu mujyi wa Homs Uwufise ububasha kw’isanamu AFP
Image caption Umwotsi uracumba nyuma y'igisasu mu mujyi wa Homs

Ingabo za leta ya Syria zikajije umurego mu gusuka ibisasu ku mujyi wa Homs.

Uyu akaba ari umunsi wa gatandatu ingabo za Syria zihagaba ibitero bikaze kugirango zineshe abigometse ku butegetsi bakoresheje intwaro.

Amakuru aturuka muri uwo mujyi aravuga ko abantu 30 baguye muri ibyo bitero; imiryango itatu ikaba yatikiriye mu mazu yabo.

Umunyamabanga mukuru wa ONU, Ban Ki-Moon, yatangaje ko afite impungenge ko ubwicanyi burimo kubera mu mujyi wa Homs ari ikimenyetso ko mu minsi iri imbere ibintu bizaba bibi cyane.

Impirimbanyi zitavuga rumwe na leta ziravuga ko ingabo za leta ya Syria zirimo kwongera ibikorwa byazo mu turere turi hafi y'imipaka ya Yorudaniya, Turikiya na Iraq kugirango zihagarike intwaro zishobora kuhanyura zigenewe inyeshyamba zirwanya leta.