Ibiro bya gisirikare by'abarwanya leta ya Syria

Inyeshyamba zirwanya leta ya Syria Uwufise ububasha kw’isanamu Reuters
Image caption Inyeshyamba zirwanya leta ya Syria

Umutwe ukomeye wibumbiyemo abatavuga rumwe na leta ya Syria washyizeho ibiro bya gisirikare muri gahunda yo guhuriza hamwe ingufu z'abarwanya ubutegetsi bwa Perezida Assad bakoresheje intwaro.

Akanama k'igihugu ka Syria, the Syrian National Council, katangarije i Paris mu Bufaransa ko ibyo biro bizagerageza kugenzura uko intwaro zinjira kandi zigakoreshwa imbere muri Syria.

Umukuru w'ako kanama, Burhan Ghalioun, yavuze ko icyo cyemezo imitwe yose yitwaje intwaro yo muri Syria yacyumvikanyeho ariko yongeraho ko ibyo bitavuze ko intambara hagati y'abanyasiriya yatangiye.

Ubundi akanama k'igihugu ka Syria n'umutwe w'inyeshyamba zibumbiye mu cyo bise Free Syrian Army ntabwo bumvikanaga ku ngufu za gisirikare zakoreshwa mu guhangana na leta ya Syria.