Urukiko rw'Arusha rwarekuye Muvunyi

Abacamanza b'Arusha barekuye Muvunyi
Image caption Abacamanza b'Arusha barekuye Muvunyi

Ejo kuwa kabiri tariki 6 z'ukwa 3 mu 2012, urukiko rw'umuryango w'abibumbye rwashyiriweho u Rwanda rukorera i Arusha, rwarekuye Lit.Colonel Tharcisse Muvunyi wari warakatiwe igifungo cy'imyaka 15.

Muvunyi arekuwe atarangije igifungo cye, yaramaze 3/4 by'icyo gifungo.

Urugereko rwa mbere rw'urukiko rw'Arusha rwari rwabanje kumukatira imyaka 25 ariko urugereko rw'ubujurire busaba ko urubanza rwe rusubirwamo.

Urugereko rw'ubujurire rwaje kumuhamya ibyaha byo gushishikariza mu buryo buziguye abantu gukora genocide i Butare mu kwezi kwa 4 kw'i 1994.

Ubwo rwamukatiye igifungo cy'imyaka 15.

Lit.Col.Tharcisse Muvunyi yafatiwe i Londres mu Bwongereza mu kwezi kwa 2 mu 2000, ajyanwa gufungirwa i Arusha muri Tanzania.

Ubu ari mu nzu y'urwo rukiko, bashyiramo abantu barekuwe n'urwo rukiko bategereje kubona igihugu kibakira iyo badashaka gusubizwa mu Rwanda.