Abasivili 16 bishwe muri Afghanistani

Abasirikare b'abanyamerika muri Afghanistani Uwufise ububasha kw’isanamu Reuters
Image caption Abasirikare b'abanyamerika muri Afghanistani

Inteko nshingamategeko ya Afghanistani yafashe umwanzuro ukaze kubirebana n'urupfu rw'abasivili 16 bishwe n'umusirikare w'umunyamerika ku cyumweru.

Uwo mwanzuro uvuga ko abaturage ba Afghanistani barambiwe ibikorwa by'ingabo z'amahanga.

Usaba kandi uwo musirikare w'umunyamerika acibwa urubanza ku mugaragaro n'inkiko zo muri Afghanistani.

Mubo yishe harimo abana 9 barasiwe iwabo mu rugo ku cyumweru mu rucyerera.

Perezida wa leta zunze ubumwe z'amerika Barack Obama yasabye imbabazi kandi avuga ko ababajwe cyane n'ubwo bwicanyi.

Perezida wa Afghanistani, Hamid Karzai, yohereje intumwa zo mu rwego rwo hejuru mu ntara ya Kandahar gukora iperereza kuri ubwo bwicanyi.

Umunyamakuru wa BBC uri muri amerika aravuga ko ubu bwicanyi bwangije cyane umubano wari usanzwe utameze neza cyane hagati ya leta y'ibihugu byombi.