Tevez ngo ari hafi kongera gukinira City

Carlos Tevez Uwufise ububasha kw’isanamu PA
Image caption Carlos Tevez

Umutoza w'ikipe ya Manchester City, Roberto Mancini, yavuze ko umukinnyi Carlos Tevez ashobora kuba mu bakinnyi babanza mu kibuga mu mukino uzahuza iyo kipe n'ikipe ya Chelsea mu cyumweru gitaha.

Tevez, ufite imyaka 28, hashize igihe adakina nyuma yaho bivugiwe ko yanze kwishyushya ngo ajye mu kibuga mu mukino City yatsinzwemo na Bayern Munich mu irushanwa rya Champions League mu kwezi kwa cyenda.

Mu minsi ishize yakinnye imikino ibiri ihuza abakinnyi basimbura kugirango yitoze nyuma yo gusaba imbabazi ikipe ye n'abafana bayo.

Manchester City izahura na Chelsea ku wa gatatu tariki ya 21 Werurwe 2012.

Icyo gihe mukeba wayo Manchester United bahatanira igikombe ishobora kuba imaze kuyirusha amanota 4.