AU yanze ubwigenge bw'abatuwarege

Jean Ping Uwufise ububasha kw’isanamu AP
Image caption Umukuru w'akanama k'ubumwe bw'Afurika, Jean Ping.

Umuryango w'ubumwe bw'Afurika wanze kwemera ubwigenge bw'intara ya Azawad inyeshyamba z'abatuwarege (Tuareg) zigaruriye mu majyaruguru ya Mali.

Umukuru w'akanama k'umuryango w'ubumwe bw'Afurika, Jean Ping, yavuze ko nta gaciro ubwo bwigenge bugomba guhabwa.

Umutwe w'igihugu uharanira kubohoza akarere ka Azawad (MNLA) washyize itangazo ku rubuga rwawo rwa interineti rivuga ko ako karere ubu kigenga kandi risaba amahanga kukemera.

Inyeshyamba z'abatuwarege zafashe ahantu hanini mu majyaruguru ya Mali mu gihe gito cyane kubera akajagari katewe n'ihirikwa ry'ubutegetsi bwa Perezida Amadou Toumani Toure hashize ibyumweru bibiri.