Chelsea irashaka umwanya wa kane

Abakinnyi ba Chelsea Uwufise ububasha kw’isanamu AFP
Image caption Abakinnyi ba Chelsea

Umuyobozi mukuru w'ikipe ya Chelsea, Ron Gourlay, yavuze ko ikibahangayikishije cyane ari umwanya wa kane muri shampiyona aho gutsinda ikipe ya Barcelona mu irushanwa rya Champions League.

Ikipe ya Chelsea ubu iri ku mwanya wa gatanu ku rutonde rwa shampiyona y'umupira w'amaguru mu Bwongereza nyuma y'ikipe ya Tottenham na Arsenal.

Chelsea ishobora kwemererwa gukina mu irushanwa rya Champions League umwaka utaha iramutse yegukanye igikombe cy'uyu mwaka.

Ariko ibyo Bwana Gourlay avuga ko atari byo bibashishikaje.

Yagize ati: "Buri muntu wese aravuga Champions League ariko kurangiza mu makipe ya mbere muri shampiyona nibyo byangombwa".

Umukino wa mbere wa kimwe cya kabiri muri Champions League uzahuza Chelsea na Barcelona uteganijwe ku itariki ya 18 za kuno kwezi.