General Ntaganda yavuze ko ari Masisi

General Bosco Ntaganda Uwufise ububasha kw’isanamu afp
Image caption General Bosco Ntaganda

General Bosco Ntadanga wari umukuru w'ingabo za CNDP akaza kujya muri gisirikare cya Congo, mbere yo kuvamo ashakishwa na leta ya Kinshasa hamwe n'urukiko mpuzamahanga mpanabyaha, yashyize avugisha itangazamakuru.

General Ntaganda yabwiye BBC ko ari i Masisi kandi ko atatorotse igisirikare nkuko bivugwa.

Yahakanye amakuru avugwa n'umuryango w'abibumbye ukorera muri Congo, MONUSCO avuga ko leta y'u Rwanda ifasha ingabo za Ntaganda zihurikiye mu mutwe wa M23.

General Ntaganda ariko avuga ko atari kumwe na M23 kandi akavuga ko ababajwe n'abantu bahunga iyi mirwano ngo kuko harimo imiryango ye myinshi.

General Ntaganda aravuga ko MONUSCO itababajwe n'abantu bari gupfa no gufatwa ku ngufu mu ntara ya Kivu y'amajyaruguru.

Akifuza ko Prezida Joseph Kabila yashyira mu bikorwa amasezerano yasinywe tariki 23 z'ukwezi kwa 3 mu 2009 hamwe na CNDP.