Abahagarariye Syria birukanywe

Kofi Annan muri Syria Uwufise ububasha kw’isanamu AFP
Image caption Kofi Annan muri Syria

Ibihugu byo mu burayi n'Amerika biri kwirukana abahagarariye Syria mu bihugu byabo, mu gikorwa cyo kwamagana iyicwa ry'abantu barenga ijana, barimo abana bari mu mujyi wa Houla.

Amerika, Ubwongereza, Ubufaransa, Ubudage, Espagne, Ubutaliyani, Australia na Canada nibo bahurije kuri icyo gikorwa.

Umushikiranganji w'imibano n'amahanga w'Ubwongereza, William Hague, yavuze ko Syria igomba guhitamo icyo ikora kuko igihe cyashyizweho n'umugambi w'intumwa idasanzwe ya ONU, Kofi Annan, kirimo gushira.

Bwana Kofi Annan yabwiriye Prezida wa Syria Assad, i Damascus ku murwa mukuru wa Syria, mu magambo atarya umunwa ko umugambi we w'amahoro ukeneye gufatirwa ingamba zikaze kugirango ubwicanyi buhagarare.