Mbarushimana avanwe ku rutonde rwa ICC

Callixte Mbarushimana Uwufise ububasha kw’isanamu Reuters
Image caption Callixte Mbarushimana

Mbarushimana Callixte wahoze ari umunyamabanga nshingwabikorwa wa FDLR, amaze gukurwa burundu ku rutonde rw'abazaburanishwa n'urukiko mpuzamahanga mpanabyaha rw'i La Haye mu Buholandi.

Ibyo ngo n'uko ubushinjacyaha nta bimenyetso simusiga bwatanze byatuma habaho urubanza.

Ubushinjacyaha bw'uru rukiko bwari rwamureze ibyaha by'intambara n'ibyaha byibasiye inyoko muntu byakozwe na FDLR muri Repubulika Iharanira Demokarasi ya Congo.

Mw'itangazo ryashizwe ahabona n'umushinjacyaha Monero Ochampo, bavuga ko bakiriye icyemezo cy'urukiko uko kiri ariko ko batekereza kugeregeza gutanga ikindi kirego gishya cyaba kirimo ikimenyetso cyisumbuye.

Callisxte Mbarushhimana wari umuvugiz wa FDLR yafatiwe mu Bufaransa mu kwa 10 mu 2010 argwa ibyaha 13 by'imporerane byiganjemo ibyaha by'intambara n'ibyibasira inyoko muntu byabereye mu burasirazuba bwa RDC.

Mu bafungwa barenga 10 bafashwe kuva urwo rukiko rwajyaho mu 2003, Callixte Mbarushimana abaye uwa mbere arekuwe kubera ibirego bidahagije.