OTAN yamaganye ihanurwa ry'indege ya Turkiya

Indege ya gisirikare ya Turkiya F-4 Uwufise ububasha kw’isanamu Reuters
Image caption Indege ya gisirikare ya Turkiya F-4

Umuryango wo gutabarana uhuriweho n'ibihugu byo mu Burayi n'amerika wa OTAN wamaganye igikorwa cya Syria cyo guhanura indege ya gisirikare ya Turkiya ku wa gatanu w'icyumweru gishize.

Umunyamabanga mukuru wa OTAN, Anders Fogh Rasmussen, yavuze ko Syria yasuzuguye amategeko mpuzamahanga agenga amahoro n'umutekano.

Ibyo yabivuze nyuma y'inama y'abambasaderi bo mu muryango wa OTAN yaberaga i Buruseli mu Bubirigi.

Iyo nama yahamagajwe hakurikijwe ingingo igenga uwo muryango ivuga ko ibihugu byose biwugize bigomba guhura bikungurana ibitekerezo iyo hari kimwe muri byo umutekano wacyo ubangamiwe.

Mu nama nshingamategeko ya Turkiya, ministri w'intebe Recep Tayyp Erdogan yongeye kuvuga ko ihanurwa ry'iyo ndege mu kirere mpuzamahanga ari igikorwa by'ubugome.