Ibendera rya Tanzania ku mato ya Irani

Peteroli ya Irani
Image caption Peteroli ya Irani

Igihugu cya Tanzania cyasabye ko Leta zunze ubumwe z'amerika n'Uburayi byagifasha mu gukora iperereza ku makuru avuga ko cyemereye amato atwara petroli ya Irani gukoresha ibendera ryacyo kugirango adakumirwa n'ibihano mpuzamahanga byafatiwe Irani.

Ministri w'ububanyi n'amahanga wa Tanzania, Bernard Membe, yavuze ko ubwato bwose bwa Iran bwaba bwarahinduye ibendera, buzavanwa ku rutonde rw'amato rwa Tanzania.

Hari umushingamateka wo muri Amerika uherutse kuvuga ko hari amato agera ku 10 yo muri Irani yakoresheje ibyangombwa bya Tanzania kugirango anyure ku ruhande ibihano abanyamerika n'abanyaburayi bafatiye Irani kubera impungenge bafite kuri gahunda y'icyo gihugu mu rwego rw'ingufu za nucleaire.