Misiri: inama nshingamategeko mu gihirahiro

Mohamed Morsi Uwufise ububasha kw’isanamu AP
Image caption Perezida Mohamed Morsi

Mu Misiri urukiko rushinzwe kubahiriza itegeko nshinga rwaburijemo icyemezo cya Perezida uherutse gutorwa n'abaturage - Mohamed Morsi - cyo gusubizaho inama nshingamategeko yasheshwe n'urwo rukiko mu kwezi gushize.

Mbere yuko urwo rukiko ruvuguruza Perezida Morsi, abasirikare bari barashyizwe imbere y'inzu inama nshingamategeko ikoreramo bari bahavanywe kugira ngo abadepite bashobore kuyinjiramo.

Mohamed Morsi - ukomoka mu ishyaka rya Muslim Brotherhood rifite intebe nyinshi muri iyo nama nshingamategeko - avuga ko inteko nshingamategeko igomba gukomeza gukora kugeza igihe habereye andi matora.

Umunyamakuru wa BBC uri i Cairo aravuga ko hashobora kubaho uguhangana mu rwego rwa politiki hagati y'umukuru w'igihugu n'akanama k'igihugu kagizwe n'abasirikare kasheshe inteko nshingamategeko nyuma y'icyemezo cy'urukiko rushinzwe kubahiriza itegeko nshinga.