BBC World Service yavuye muri Bush House

Bush House
Image caption BBC World Service yari imaze imyaka irenga 70 ikorera muri Bush House

Kuri iyi tariki ya 12/07/2012 niho igice cya BBC gitangaza ibiganiro bigenewe amahanga - BBC World Service - cyatangarije amakuru ku nshuro ya nyuma mu nzu cyari kimazemo imyaka irenga 70 yitwa Bush House iri mu mujyi wa Londres rwagati.

Muri ayo makuru ya nyuma muri Bush House harimo n'inkuru yateguwe kandi isomwa n'umuyobozi mukuru wa BBC, Mark Thompson.

Ku bantu babarirwa muri za miliyoni bumva BBC hirya no hino ku isi, kuvuga Bush House byari kimwe no kuvuga igice cya BBC gitangariza amahanga - BBC World Service.

Ubu rero abakozi bose ba BBC World Service bimukiye mu yindi nzu igezweho yitwa New Broadcasting House nayo iri mu mujyi wa Londres aho bakorana na bagenzi babo bategura ibiganiro bigenewe Ubwongereza haba kuri Radio, Televiziyo na Internet.