Olympique: abakinnyi 8 bakina Badminton birukanwe

Bamwe muri abo bakinnyi birukanywe Uwufise ububasha kw’isanamu AFP
Image caption Wang Xiaoli (iburyo) na Yu Yang ni bamwe mubirukanwe.

Ishyirahamwe ry'umukino wa Badminton ku isi ryirukanye mu marushanwa Olympique arimo abera i Londres abakinnyi 8 kubera imyitwarire itemewe muri siporo.

Abo bakinnyi bakina Badminton barashinjwa kuba baragerageje kwitsindisha kugira ngo bazahure n'ikipe yoroshye muri kimwe cyane mu irushanwa ry'uwo mukino mu rwego rw'abagore.

Babiri muri abo bakinnyi ni abo mu Bushinwa, abandi bane ni abo muri Korea yepfo, babiri bandi ni abo muri Indonesia.

Abafana babavugirije induru. Umukuru w'akanama kateguye iyi mikino - Lord Coe, yavuze ko imyitwarire yabo iteye isoni kandi ko ari inkuru mbi ku mikino.

Ubushinwa bwatangiye kubakoraho iperereza. Ibinyamakuru bya leta muri icyo gihugu biravuga ko kwitwara neza mu mikino biza imbere yo gutsindira umudari.