Umutekano muke mu karere ka Sinai

Aha ni mu karere ka Sinai Uwufise ububasha kw’isanamu AFP
Image caption Aha ni mu karere ka Sinai

Televiziyo ya leta mu gihugu cya Misiri iravuga ko igipolisi cyakozanyijeho n'abantu bitwaje imbunda mu mujyi w'ingenzi ukomeye uri mu majyaruguru ya Sinai nyuma y'umunsi umwe igisirikare cya Misiri kigabye igitero gikaze ku mpirimbanyi zigendera ku matwara akaze y'idini ya Islamu muri ako karere.

Televiziyo ya leta yavuze ko amasasu yumvikanye hanze y'inzu polisi ikoreramo mu mujyi wa El-Arish.

Abategetsi ba Misiri biyemeje gukora uko bashoboye kugira ngo akarere k'amajyaruguru ya Sinai leta yongere kukagenzura kose nyuma y'igitero cyagabwe ku cyumweru n'abantu bakekwaho kuba bagendera ku matwara akaze y'idini ya Islamu kigahitana abasirikare 16 barinda umupaka ku cyumweru.