Obama na Romney bongeye guhura

Ibiherutse kuvugururwa: 23 ukwa cumi, 2012 - 15:28 GMT
Barack Obama na Mitt Romney mu kiganiro mpaka

Barack Obama na Mitt Romney mu kiganiro mpaka

Muri Leta zunze ubumwe z'Amerika, haraye harangiye ikiganiro mpaka cya nyuma kuri televiziyo hagati ya Perezida Barack Obama na Mitt Romney bazahangana mu matora y'umukuru w'igihugu ateganijwe mu byumweru bibiri biri imbere.

Icyo kiganiro kibanze kuri politiki y'Amerika ku birebana n'ububanyi n'amahanga. Bwana Romney yavuze ko Obama atabashije gukomeza kwerekana ubuyobozi bw'amerika ku bibazo bivugwa ku isi.

Bwana Obama yavuze ko politiki ya Romney ku bibazo bikomeye by'ububanyi n'amahanga ari mbi.

Umunyamakuru wa BBC uri i Washington aravuga ko mu gice kinini cy'icyo kiganiro wasaganga abo bagabo bombi bahuza kuri byinshi harimo Syria na Aghanistani.

Banahurije kandi mu kunenga imikorere y'igihugu cy'Ubushinwa mu rwego rw'ubucuruzi bavuga ko ibangamiye ibigo by'ubucuruzi byo muri Amerika.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.