Ingabire yakatiwe imyaka 8 y'igifungo

Ibiherutse kuvugururwa: 30 ukwa cumi, 2012 - 13:42 GMT
Victoire Ingabire

Victoire Ingabire

Urukiko rukuru rwo mu Rwanda rwakatiye Victoire Ingabire ukuriye ishyaka FDU Inkingi ritaremerwa mu Rwanda, igihano cyo gufungwa imyaka 8.

Urukiko rwamuhamije ibyaha by'iterabwoba no gupfobya jenoside.

Urukiko ariko rwamugize umwere ku byaha bindi 2.

Umunyamakuru wa BBC waruri mu rukiko yavuze ko Victoire Ingabire atitabye urubanza rw'uyu munsi.

Ingabire yafunzwe mu 2010 nyuma yaho avugiye ku rwibutso rw'abazize jenocide, ko n'abahutu bagomba kwibukwa.

Umuburanira yavuze ko azajurira.

Umugabo wa Victoire Ingabire, bwana Lin Muyizere n'ishyaka rye FDU Inkingi bamaganye cyane icyo gihano bavuga ko ari urubanza rwa politike.

Bavuze ko batishimiye ubutabera bwo mu Rwanda ngo kuko bwamuhimbiye ibyaha.

Abatanze ubuhamya ku ruhande rw'ubushinjacyaha bakemera icyaha nabo bakatiwe: Vital Uwumuremyi yakatiye igifungo cy'imyaka 4 n'amezi 6, Tharcisse Nditurende na Noel Habiyaremye bakatirwa imyaka 3 n'amezi 6, naho Jean Marie Karuta akatirwa imyaka 2 n'amezi 7.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.