Syria: abantu benshi bahitanwe n'ibisasu

Ibiherutse kuvugururwa: 5 ukwa cumi na rimwe, 2012 - 18:19 GMT
Ahaturikiye ibisasu muri Syria

Ahaturikiye ibisasu muri Syria

Abantu benshi baguye mu bisasu byaturikanye imodoka ebyiri muri Syria mu gihe abakuru b'abatavuga rumwe na leta bari mu nama muri Qatar.

Igisasu cya mbere cyaturikiye hanze y'inzu y'ikigo cya leta gitsura amajyambere mu murenge wa Ziyara uri mu ntara ya Hama.

Ibitatangazamakuru bya leta biravuga ko abantu 2 bapfuye naho abandi 10 bagakomereka ariko hari umutwe umwe w'impirimbanyi zirwanya leta uvuga ko byibura abasirikare 50 n'abarwanyi bo mu mitwe yitwaje intwaro bapfuye.

Ubutegetsi buravuga ko igisasu cya kabiri cyahitanye abantu 11 mu gace ka Mezzeh 86 gatuwe cyane n'abantu bashyigikiye leta mu burengerazuba bw'umurwa mukuru Damas.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.