Mali: ibitero by'indege z'Ubufaransa ku nyeshyamba

Ibiherutse kuvugururwa: 4 ukwa kabiri, 2013 - 21:17 GMT
Indege z'intambara z'Ubufaransa

Indege z'intambara z'Ubufaransa

Indege z'intambara z'Ubufaransa zikomeje gusuka ibisasu ku birindiro by'inyeshyamba zigendera ku matwara akaze y'idini ya Islamu biri hafi y'umujyi wa Kidal.

Abasirikare b'abafaransa n'ingabo za leta ya Mali barimo kugerageza kwigarurira neza uwo mujyi.

Kidal niwo mujyi wa nyuma izo nyeshyamba zari zisigaranye nyuma yo kwirukanwa mu mijyi ya Timbuktu na Gao.

Ku wa gatatu w'icyumweru gishize ingabo z'Ubufaransa zafashe ikibuga cy'indege cya Kidal.

Ibi bitero by'indege z'Ubufaransa bikurikiye uruzinduko umukuru w'icyo gihugu, Francois Hollande, yagiriye ku wa gatandatu muri Mali.

Yatangaje ko ingabo z'Ubufaransa zizaguma muri Mali kugeza igihe ingabo zo mu bihugu byo muri Afurika y'uburengerazuba zitangiriye kurinda icyo gihugu.

Inyeshyamba zigendera ku matwara akaze y'idini ya Islamu zigaruriye amajyaruguru ya Mali mu kwezi kwa kane ku mwaka ushize.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.