Cote d'ivoire irasaba indege zitarimo abapilote

Ibiherutse kuvugururwa: 17 ukwa kane, 2013 - 13:30 GMT
Indege iguruka itarimo umupilote

Indege iguruka itarimo umupilote

Abategetsi ba Cote d'ivoire basabye Umuryango w'abibumbye kwohereza muri icyo gihugu indege ziguruka zitarimo abapilote zakoreshwa mu gutara amakuru y'ubutasi.

Uhagarariye igihugu cya Cote d'ivoire muri ONU, Youssoufou Bamba, yabwiye akanama ka ONU gashinzwe umutekano ku isi ko izo ndege zakoreshwa kugira ngo zisibe icyuho kizasigwa n'igabanywa ry'abasirikare ba ONU bari muri icyo gihugu.

Umuryango w'abibumbye utekereza ko umutekano urimo kurushaho kugaruka muri Cote d'ivoire kuva aho Laurent Gbagbo wahoze ayobora icyo gihugu avaniwe ku butegetsi muri 2011.

Nubwo bimeze gutyo ariko, hamaze iminsi imitwe yitwaje intwaro igaba ibitero ku mupaka Cote d'ivoire isangiye na Liberia.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.