Amerika yongeye infashanyo ku barwanya Syria

Ibiherutse kuvugururwa: 21 ukwa kane, 2013 - 07:06 GMT

John Kerry, avugana n'abanyamakuru inyuma y'inama ya Istambul

John Kerry yabwiye abari mu nama yitiriwe abagenzi ba Syria yabereye Istambul ko Leta Zunze Ubumwe za Amerika ziteguye kongera infashanyo yahora ihabwa abarwanya leta ya Assad.

Ngo bazohabwa infashanyo nshasha iciye miliyoni 123 z'ama dolari ya Amerika, igizwe n'ibitari ibirwanisho.

Yavuze ko perezida Obama afise ishaka ryo kubona Syria irangwa n'intwaro rusangi, ubumwe, itakivugwamwo Assad.

Abantu barenga ibihumbi 60.000 bamaze kurwa mu ntambara zimaze imyaka ibiri zandurutse ku kwiyamiriza perezida Bashar al Assad.

Bwana Kerry yavuze kandi ko infashanyo ituruka mu bihugu 11 vyiswe abagenzi ba Syria, izohora ica ku murwi "Free Syrian Army" uyobowe na general Salim Idris, ufise icicaro muri Turkiya.

Iyo nama yabereye Istambul yahuje abashikiranganji b'imigenderanire b'ibihugu bitemera leta iyobowe na perezida Assad.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.