AU: Abakuru b'ibihugu by'Afrika bamaganye ICC

Ibiherutse kuvugururwa: 27 ukwa gatanu, 2013 - 14:06 GMT
Inama ya AU

Abakuru b'ibihugu by'Afrika bari mu nama i Addis Abeba ku murwa mukuru wa Ethiopia bareze urukiko mpuzamahanga mpanabyaha ICC ko rubangamiye Afrika.

Umushikiranganji wa mbere wa Ethiopia, Hailemariam Desalegn, uyoboye iyo nama yavuze ko ICC yavuye ku nshingano yayo nyamukuru yo kurwanya kudahana, kutagira ubuyobozi bwiza no guhana ibyaha.

Ati igeze muri Afrika isa nkaho itangiye umugambi wo guhiga abantu runaka.

Bwana Desalegn yavuze ko hafi y'abantu bose bakurikiranywe na ICC ari abanyafurika, ati ariko ibyo ntibivuze ko abakuru b'ibihugu by'Afrika bafatikanya n'abanyabyaha.

Nyuma yo kwizihiza isabukuru y'imyaka 50 umuryango w'ubumwe bw'Afrika umaze uvutse, abakuru b'ibihugu by'Afrika baganiriye ku bibazo byugarije umugabane w'Afrika.

Ibiganiro byatangiye byibanda ku kibazo cya Repubulika Iharanira Demokarasi ya Congo.

Barangaje biga ikibazo cy'ukuntu urukiko mpuzamahanga mpanabyaha rwareka gukurikirana umukuru wa Kenya n'icyegera cye baregwa ibyaha byakorewe inyoko muntu.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.