Abigaragambya basubiye mu rubuga rw' Istanbul

Ibiherutse kuvugururwa: 2 ukwa gatandatu, 2013 - 12:49 GMT
Imyigaragambyo yamagana leta muri Turikiya

Imyigaragambyo yamagana leta muri Turikiya

Muri Turikiya abantu babarirwa mu magana basubiye mu myigaragambyo yo kwamagana leta mu rubuga rwa Taksim nyuma y'iminsi ibiri y'imyigaragambo yaranzwe n'urugomo.

Abantu byibura 1000 bari bitabiriye iyo myigaragambyo batawe muri yombi n'igipolisi.

Leta iravuga ko abapolisi 26 n'abaturage b'abasivili 53 bayikomerekeyemo.

Muri rusange ubu ituze ryagarutse kandi n'abakozi bashinzwe isuku y'umujyi batangiye gusukura aho iyo myigaragambyo yabereye mu mijyi ya Istanbul na Ankara.

Imbarutso y'iyo myigaragambyo ni icyemezo cya leta cyo kubaka mu rubuga rwa Taksim mu mujyi wa Istanbul.

Ariko yaje gufata intera yo kwamagana leta muri rusange nyuma yaho igipolisi gikoreshereje ingufu mu guhosha iyo myigaragambyo.

Umunyamakuru wa BBC uri muri Turikiya aravuga ko abantu benshi mu mujyi wa Istanbul barakariye leta kubera ko babona ifite umugambi wo kubambura bumwe mu burenganzira bwabo ku giti cyabo.

Urubyiruko rwiganje mu bigaragambya rushinja leta kuba yaratangiye gutegekesha igitugu no kureka igihugu kikagendera ku matwara y'idini ya Islamu.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.