Imodoka yari ijyanye Mandela kwa muganga yagize ibibazo

Imodoka itwara indembe ya Mandela
Image caption Imodoka itwara indembe ijyana Mandela kwa muganga

Leta ya Afurika yepfo yatangaje ko imodoka itwara indembe yari ijyanye Nelson Mandela kwa muganga mu ntangiriro za kuno kwezi yagiriye ibibazo bya moteri mu nzira biba ngombwa ko bamwoherereza indi.

Umuvugizi wa leta ya Afurika yepfo nta bisobanuro yatanze ku mwanya washize mbere yuko indi modoka itwara indembe imugeraho.

Gusa yavuze ko nta ngaruka mbi byagize ku buzima bwa Mandela.

Hari amakuru ariko yatangajwe n'igitangazamakuru CBS avuga ko Mandela yamaze mu bukonje iminota 40 ategereje.

Nelson Mandela - w'imyaka 94 y'amavuko - ari mu bitaro i Pretoria aho arimo kwivuriza indwara y'ibihaha akunda kurwara kandi akomeje kuremba cyane.