Brazil: Blatter ngo umupira w'amaguru uracyafite agaciro

FIFA

Umukuru wa FIFA Sepp Blatter yavuze ko ishyirahamwe akuriye ry'umupira w'amaguru kw'isi ryakomeje kugira isura nziza mw'irushanwa ry'imigabane y'isi ryabereye muri Brazil nubwo hari imyigaragambyo yabaye henshi muri Brazil.

Nubwa mbere Blatter avuze kuva iyo myigaragambyo yaba mu mijyi igera kw'i 100 yo muri Brazil.

Hari n'indi kandi iteganije kuba uyu munsi mbere y'umukino wa nyuma uza guhuza Brazil na Espagne ku kibuga cya Maracana cy'i Rio.

Ntawuramenya niba Prezida Dilma Rousseff aribushobore kuza kureba uwo mukino wo guhatanira icyo gikombe.

Sepp Blatter ariko yavuze ko afitiye impuhwe abo bakora imyigaragambyo.