Misiri:Ingabo zahiritse ubutegesi

Jenerali Abdel Fattah al-Sissi
Image caption Umuyobozi w'ingabo za Misiri

Umuyobozi w'ingabo za Misiri, Jenerali Abdel Fattah al-Sisi, yatangaje ko umucamanza mukuru ariwe ubaye umukuru w'igihugu w'agateganyo kandi itegeko nshinga rizahagarikwa.

Mu ijambo yavugiye kuri televiziyo, Jenerali Fattah al -Sisi yavuze ko umucamanza mukuru ariwe uzayobora leta y'agateganyo izaba ifite inshingano yo gutegura amatora mashya y'umukuru w'igihugu n'inama nshinga mategeko.

Mu gihe yavugaga iryo jambo, abantu babarirwa mu bihumbi bari mu myigaragambyo yo kwamagana Perezida Morsi mu kibuga cya Tahrir, bavugije impundu.

Umuyobozi mukuru w'abayisilamu mu Misiri, n'umuyobozi w'abakirisitu b'itorero rya Coptic, basohoye amatangazo yo gushyigikira ingabo.