Mu Misiri batangiye kuvugurura itegeko nshinga

Perezida w'agateganyo wa Misiri, Adly Mansour
Image caption Perezida w'agateganyo wa Misiri, Adly Mansour

Impuguke mu by'amategeko zatoranijwe na perezida w'agateganyo wa Misiri zatangiye akazi kazo ko kuvugurura itegeko nshinga igihugu cya Misiri kigenderaho.

Izo mpuguke zahawe iminsi 30 yo kuba zarangije gutunganya ingingo zigomba guhindurwa mbere yuko hashobora kuba amatora y'abadepite n'ay'umukuru w'igihugu.

Itegeko nshinga ryari ririho ryabaye rihagaritswe n'igisirikare nyuma yaho kivaniyeho ubutegetsi bwa Mohammed Morsi mu ntangiriro za kuno kwezi.

Muri rusange ryari ryarateguwe n'intagondwa z'abayisilamu zo mu ishyaka Mohammed Morsi akomoka rya Muslim Brotherhood.

Kamarampaka ku itegeko nshinga rishya yagombye kuba muri aya mezi ane ari imbere.