DRC: HRW iratunga agatoki M23 n'u Rwanda

Inyeshyamba za M23

Ishyirahamwe mpuzamahanga rirengera ikiremwa muntu Human Rights Watch, riravuga ko umutwe w'inyeshyamba wa M23 urwanya ubutegetsi muri Repubulika Iharanira Demokarasi ya Congo, wishe abantu bagera kuri 40, ufata ku ngufu abagore n'abakobwa barenga 60 kuva mu kwezi kwa 3 k'uyu mwaka.

Ibyo byasohotse mu cyegeranyo Human Rights Watch yasohoye imaze kuvugana n'abantu barenga 100.

Abo bantu ngo banavuze ko izo nyeshyamba zihatira abana n'abahungu kujya mu gisirikare babakuye muri Congo no mu Rwanda.

Iki cyegeranyo kandi kivuga ko ingabo z'u Rwanda zikomeje gufasha umutwe wa M23 mu buryo butaziguye nubwo leta ya Kigali ikomeza kubihakana.