Ubushinwa:Inganda z'imiti zitanga ruswa

Idarapo ry'ubushinwa
Image caption Idarapo ry'ubushinwa

Abashinzwe ubucuruzi mu bigo by'imiti by'amahanga bikorera mu Bushinwa, babwiye BBC ko batanga ruswa kugira ngo imiti bacuruza ibe myinshi.

Umwe muri abo bashinzwe ubucuruzi yabwiye BBC ko ikigo akorera cyatanze amadolari 1,000 kugira ngo imiti yacyo yongere gukoreshwa n'ivuriro rimwe.

Hari abaganga bemereye BBC ko bariye ruswa, bavuze ko ubuvuzi bwo mu Bushinwa bwiganjemo ruswa.

Abategetsi b'ubushinwa barakora iperereza ku bigo byinshi by'amahanga nyuma y'aho ikigo cya GlaxoSmith cyo mu Bwongreza kirezwe ko cyatanze ruswa ibarirwa muri miliyoni z'amadolari.