Mali: Ibrahim Boubacar Keita yegukanye amajwi 77.6%

Ibrahim Boubacar Keita
Image caption Ibrahim Boubacar Keita

Muri Mali ibyavuye mu cyiciro cya mbere cy'amatora y'umukuru w'igihugu cyabaye ku cyumweru gishize byatangajwe ku mugaragaro.

Abategetsi batangaje ko uwayatsinze ari Ibrahim Boubacar Keita wigeze kuba minisitiri w'intebe w'icyo gihugu wegukanye amajwi 77.6%.

Biteganijwe ko agomba kurahira mu kwezi gutaha.

Aya matora aje akurikira umwaka urenze umwe icyo gihugu kirangwamo ibibazo bikomeye birimo: ihirika ry'ubutegetsi, inyeshyamba zo mu bwoko bw' abatuareg zigarurira amajyaruguru y'igihugu nyuma ingabo z'amahanga ziyobowe n'Ubufaransa zikaza gutabara.

Mbere y'amatora Bwana Keita yari yavuze ko icyo ashyize imbere ari ukumvikanisha abatuye icyo gihugu bose.