Kenya: abapolisi bane bishwe

Abarwanyi bo mu mutwe wa Al Shabaab
Image caption Abarwanyi bo mu mutwe wa Al Shabaab

Abategetsi bo muri Kenya baravuga ko abapolisi bane b'icyo gihugu bishwe barashwe n'abantu bakekwaho kuba ari intagondwa zo mu mutwe wa Al Shabaab hafi y'umujyi wa Garissa hafi y'umupaka wa Somalia.

Igipolisi cya Kenya kiravuga ko abantu hafi 40 bitwaje intwaro zikomeye bateye ibirindiro by'igipolisi ku wa gatanu ninjoro.

Umutwe w'intagondwa z'abanyasomalia wa Al Shabaab wiyemereye ko ariwo wagabye icyo gitero.

Igihugu cya Kenya cyagiye kibasirwa n'ibitero nkibyo kuva aho leta y'icyo gihugu yohereje abasirikare muri Somalia kurwanya umutwe wa Al Shabaab muri 2011.

Agace kari hafi y'umujyi wa Garissa mu mezi ashize kibasiwe n'ibitero by'abantu bitwaje intwaro.

Mu kwezi kwa kane hagabwe igitero cyahitanye abantu 8 kikaba cyari gikurikiye ikindi cyabaye mu kwezi kwa mbere cyahitanye abantu batanu.