Kenya: Inteko yahamagajwe kwiga ibya ICC

William Ruto muri ICC

Inama nshingamateka ya Kenya yahamagajwe igitaraganye mu nama yihutirwa iziga uko Kenya yava mu bihugu byemera gukorana n'urukiko mpuzamahanga mpanabyaha (ICC).

Icyegera cy'umukuru w'inteko nshingamateka, Joyce Laboso yasabye ko izo mpaka zaba ejobundi kuwa kane.

Icyegera cy'umukuru wa Kenya, William Ruto, yiteze kuzitaba uru rukiko rwa ICC mu cyumweru gitaha, aho aregwa ibyaha byakorewe inyoko muntu.

Umunyamakuru wa BBC uri i Nairobi yavuze ko icyemezo gifite amahirwe menshi yo kwemezwa.

ICC yavuzeko izo manza zizakomeza nubwo Kenya yafata icyemezo cyo kuvamo.