Irak: ibisasu byahitanye byibura abantu 30

Umujyi wa Baquba umaze igiye waribasiwe n'ibitero
Image caption Umujyi wa Baquba umaze igiye waribasiwe n'ibitero.

Abategetsi bo muri Irak baravuga ko byibura abantu 30 bahitanywe n'igisasu cyanakomerekeje abandi 25 mu gitero cyagabwe ku musigiti w'abayisilamu b'abasuni mu mujyi wa Baquba uri hagati mu gihugu.

Igipolisi kiravuga ko ibisasu bibiri byatezwe mu nkengero z'umuhanda byaturikijwe mu gihe abari baje mu masengesho yo kuwa gatanu basohokaga mu musigiti wa al Salam.

Hashize igihe gito uwo mujyi wa Baquba - utuye n'abantu bo mu madini anyuranye - wibasiwe n'ibitero bihitana abantu.

Baquba iri ku birometero 60 mu majyaruguru y'umurwa mukuru Baghdad.

Ibikorwa by'urugomo bishingiye ku madini byariyongereye mu gihugu mu mezi make ashize bigera ku rugero ruteze rugerwaho guhera mu mwaka wa 2008.

Abantu barenga 5000 nibo bamaze kugwa muri ibyo bitero kuva uyu mwaka watangira.

Umuryango w'abibumbye uravuga ko 800 muri bo bishwe mu kwezi gushize kwa munani.