Nigeria: Imirwano na Boko Haram i Abuja

Boko Haram

Abashinzwe umutekano muri Nigeria baravuga ko batewe n'impirimbanyi zo mu mutwe wa Boko Haram mu murwa mukuru wa Abuja. Baravuga ko abantu benshi bahakomerekeye.

Abashinzwe umutekano baravuga ko bafashe abatari bake ariko ntibavuze abapfuye uko bangana.

Ababibonye ariko bavuze ko babonye imirambo 9.

Ibyo ngo byabaye igihe abashinzwe umutekano bari batangiye gusaka abantu bafite intwaro mu buryo butemewe n'amategeko.

Iyi mirwano ibaye hashize iminsi itatu gusa abakekwa ko ari abantu bo mu mutwe wa Boko Haram bateye mu majyaruguru ya Nigeria bica abantu barenga 87.

Umunyamakuru wa BBC uriya yavuze ko hari n'abandi bantu bishwe bashobora kuzaboneka.

Hari amakuru avuga ko abishwe barenga ijana na mirongo ine.