Syria: OPCW ifite impungenge z'umutekano

Image caption Impuguke zisuzuma ubutaka hafi yaho intwaro z'uburozi zatewe

Ishyirahamwe rishinzwe kuvanaho intwaro z'uburozi, OPCW, ntiryabashije kugera hamwe havugwa ko habitswe inzo ntwaro muri Syria.

Nubwa mbere impuguke zishinzwe kuvanaho intwaro z'uburozi zananiwe kurangiza urugendo rwari rwarateganyijwe.

Ibi OPCW yabivugiye mu kiganiro yagiriye ku biro bikuru byayo i La Haye mu Buholandi.

Umuvugizi wiryo shyirahamwe yabwiye BBC ko byabaye ngombwa ko basubika urwo rugendo kubera ko abo bagenzuzi batijejwe umutekano uhagije.

Banavuze kandi ko haherutse kuba ibikorwa bibangamiye umutekano mu minsi ishize, bikaba byarateye impungenge.

Ejo n'ijoro hagabwe igitero cy'ibisasu hafi ya hoteli yaho izo mpuguke zabaga mu murwa mukuru Damascus.

No mu mpera z'icyumweru gishize haturitse ibisasu byatezwe mu modoka.

Ariko iryo shyirahamwe rivuga ko ryishimiye ko ryabashije gusuzuma no gusenya mirongo itanu kw'ijana by'izo ntwaro.