Amajana arasabira ubutabera uwafashwe ku ngufu

Image caption Abigaragambya basabira umwana w'umukobwa ubutabera

Abantu barenga amajana bashyikirije igipolisi cyo muri Kenya inyandiko yasinywe n'abantu barenga miliyoni imwe basaba ko haba ubutabera nyuma yuko umwana w'umukobwa yafashwe ku ngufu.

Uwo mwana w'imyaka 16 yafashwe ku ngufu n'abagabo batatu mu ntara ya Busia, maze ajugunywa mu cyobo bituma avunika urutirigongo.

Abo bagabo bahohoteye uwo mwana baciriwe ibihano byo gukata ibyatsi.

Iyo nyandiko irasaba ko abo bagabo bafatwa, kandi bagakatirwa igihano gikwiriye.

Umunyamakuru wa BBC muri Kenya, Anne Soy, yavuze ko abantu bageze kuri 300 bagejeje iyo nyandiko ku biro bya polisi i Nairobi.

Umukuru wa polisi, David Kimaiyo, ntiyarahari kwakira iyo nyandiko, ariko yohereje umuntu wa muhagarariye.