Urubanza rwa Morsi rwasubitswe

Mohamed Morsi
Image caption Uwahoze ari umukuru wa Misiri, Mohamed Morsi.

Urubanza rw'uwahoze ari umukuru wa Misiri, Mohamed Morsi, rwatangiye uyu munsi i Cairo, aho bwana Morsi aregwa gushishikariza ubwicanyi bw'abantu bari mu myigaragambyo.

Ariko urwo rubanza rwasubikijwe kugera ku tariki ya munani zu kwezi kwa mbere kugirango abamuburanira babone igihe gihagije cyo gusoma inyandiko z'abashinjacyaha.

Bwana Morsi yabwiye urukiko ko ariwe mukuru w'igihugu wemewe n'amategeko, yanze kandi no kwambara imyenda y'urukiko.

Abandi bantu 14 bo mw'ishyaka rikurikiza amatwara ya kiislamu, Muslim Brotherhood, bararegwa hamwe na bwana Morsi.

Umucamanza yategetse ko abo bagabo bavanwa aho bari bafungiwe mu kigo cya gisirikare, bakimurirwa muri gereza iri mu mujyi wa Alexandria.