Morsi arashinja ubutegetsi ishimutwa

Mohamed Morsi
Image caption Morsi avuga ko yakorewe ubugambanyi

Uwahoze ari umukuru muri Egypt, Mohammed Morsi, yavuze ko yashimuswe avanwa ku butegetsi n'igisirikare mu kwezi kwa karindwi.

Mw'itangazo ryasomwe n'ababuranira abantu bahuye nawe muri gereza, bwana Morsi yavuze ko yamagana urukiko rumushinja gushishikariza abayoboke be kwica abantu batavuga rumwe nawe.

Bwana Morsi yanze gufata abazamuburanira muru rwo rubanza ruteganyijwe gutangira mu kwezi kwambere.

Yongeye ho kandi ko ateganya kurega ubutegetsi bushyigikiwe n'igisirikare kuba bwaramuhiritse ku butegetsi, avuga ko ibyo bakoze ari ubugambanyi.