Afghanistan ntishaka igenzurwa ry'abaturage

Abasirikare ba OTAN muri Afghanistan
Image caption Abasirikare ba OTAN muri Afghanistan

Leta ya Aghanistani yanze guha abasirikare b'abanyamerika uruhushya rwo kwinjira mu mago y'abanyafghnaistani nyuma yaho ibikorwa by'imirwano birangiriye mu kwezi kwa kane mu mwaka uza.

Ingingo z'amasezerano mu rwego rw'umutekano arimo kwigwaho ubungubu ntabwo ashobora kwemerwa na Leta zunze z'amerika kubera ko atemerera abasirikare bazo kwinjira mu mago y'abanyafghanstani.

Ubu impande zombi zirimo mu biganiro bya nyuma bigamije kureba niba zishobora kumvikana ku nyandiko zashyikirizwa inama y'abakuru b'imiryango yitwa Loya jirga iteganijwe ku wa kane.