Impunzi nyinshi i Dadaab ntizishaka gutaha

Dadaab
Image caption Impunzi mu nkambi ya Dadaab muri Kenya

HCR yavuze ko nyinshi mu mpunzi zaba Somaliya mu nkambi ya Dadaab muri Kenya zidashaka gusubira muri Somaliya.

Umukuru w'iryo shami rya ONU ryita ku mpunzi i Dadaab yabwiye BBC ko rishaka gukora ubushakashatsi kugirango rirebe umubare w'izo mpuzi zibarirwa mu 400 000 ushobora kuba wifuza gusubira mu byazo.

Yongeye ho ko uwo mugambi w'imyaka itatu watangiye wo gusubiza impunzi mu byazo muri Somaliya utereye kubushake bwa buri mpuzi, ariko ko biteguye ko benshi bazaguma aho.

Yavuze ko bazafasha impunzi zisubiye mu byazo baziha amafaranga, aho kuba, ibiribwa n'ibikoresho byo mu gikoni.

Icyumweru gishize Kenya na Somaliya byasinye amasezerano na HCR yo gutangira uwo mugambi wo gutahura impunzi, ariko umunyamakuru wa BBC avuga ko impunzi ziri munsi y'ijana arizo gusa zerekanye ubushake bwo gusibira mu byazo, zivuga ko zifite impungenge z'umutekano.