Imyigaragambyo irwanya leta muri Ukraine

Imyigaragambyo irwanya leta muri Ukraine
Image caption Imyigaragambyo irwanya leta muri Ukraine

Mu gihugu cya Ukraine, abantu babarirwa mu bihumbi bigabije imihanda yo mu murwa mukuru Kiev mu myigaragambyo irwanya leta.

Iyi myigaragambyo yabaye hashize amasaha make gusa igipolisi gitatanyije ku ngufu indi myigaragambyo yamagana icyemezo cya leta cyo kudashyira umukono ku masezerano y'ubufatanye hagati y'icyo gihugu n'umuryango w'ubumwe bw'Uburayi.

Abari muri iyo myigaragambyo bahise bajya mu rundi rubuga mu mujyi wa Kiev rwagati nyuma yaho igipolisi gifungiye urubuga rwitiriwe ubwigenge aho abakora imyigaragambyo ubusanzwe bakunda guhurira.

Perezida Viktor Yanukovych yavuze ko yanze gusinya ayo masezerano kubera igitutu cy'Uburusiya.

Abatavuga rumwe na we baravuga ko yaburijemo inzozi z'igihugu cya Ukraine zo kwinjira mu muryango w'ubumwe bw'Uburayi.