Imyigaragambyo irakomeje muri Ukraine

Image caption Ibihumbi by'abantu mu myigaragambyo i Kiev

Muri Ukraine abantu babarirwa mu bihumbi bakomeje imyigaragambyo irwanya leta mu murwa mukuru Kiev.

Abo bigaragambya - bamagana ubutegetsi bwa perezida Viktor Yanukovych - binjiye ku ngufu mu nzu y'ubutegetsi.

Ibihumbi by'abantu bashyigikiye ko icyo gihugu kinjira mu muryango w'ubumwe bw'Uburayi nabo bateraniye mu rubuga rwitiriwe ubwigenge ruri muri uwo mujyi wa Kiev.

Umunyamakuru wa BBC aravuga ko leta yagiranye ibiganiro n'abatavuga rumwe nayo bakomeje gusaba ko leta iva k'ubutegetsi, nyuma yuko yanze gusinya amasezerano y'ubufatanye nu muryango w'ubumbwe bw'Uburayi.

Leta yahisemo ahubwo gukorana n'Uburusiya.